DIE SKOOL

MEER OOR ONS

WOEL EN WERSKAF

VISIE
In die Preprimêre skool Woel en Werskaf word kleuters sinvol voorberei om as gebalanseerde volwassenes hulle roeping in Suid-Afrika na te kom.

MISSIE
In die Preprimêre skool Woel en Werskaf:

dien die Nasionale CAPS Kurrikulum as rigsnoer vir aktiwiteite;
sal geen diskriminasie ten opsigte van gelowe toegelaat word nie.
is Afrikaans die medium waardeur groepsonderrig plaasvind en Afrikaans die medium waardeur individuele kommunikasie plaasvind;
word daarna gestreef om aan alle kleuters geborgenheid te verskaf in ‘n beskermde, veilige omgewing;
word gestreef na hartlike samewerking tussen ouers, onderwysers en die gemeenskap;
vind opvoedende onderrig op informele wyse plaas ooreenkomstig die vlak van die kleuter.

ALGEMENE

REëLS EN REGULASIES

Aankomstyd vir alle groepe is vanaf 07:00 – 08:00. Ouers kan kinders vanaf 12:30 – 13:30 kom haal. ‘n Onderwyseres op vroeë- en laatdiens sal soggens om 07:00 by die skool wees en die middae tot 13:30 of 13:45 indien nodig. Moet asseblief nie u kleuter voor 07:00 soggens alleen voor die hek laat nie. Die onderwyseres op vroeë diens sal stiptelik om 07:00 die hek oopsluit. Die hek sluit 08:00. Wees ASB betyds. Die hek maak stiptelik om 12:30 oop. Moet asb. nie voor die tyd die klokkie druk nie.

Ons doen ‘n dringende beroep op u, om u asb. by bogenoemde tye te hou, omdat dit die algemene roetine en dissipline in die skool baie vergemaklik. Kleuters moet deur hul ouers by die skool besorg en afgehaal word. Ter wille van u kleuter se veiligheid en as deel van ons noodplan, moet u ons te alle tye laat weet indien ‘n ander persoon (as oorspronklik gereël) u kleuter by die skool kom haal. Hierdie reëling moet verkieslik skriftelik gedoen word.

Reël asb. ook vooraf indien u weens onvermydelike omstandighede u kleuter buite vertrektye by die skool moet kom haal. (Dit word net in uitsonderlike gevalle toegelaat). Ons versoek u vriendelik om asb. alle afsprake, swemlesse ens. vir die namiddag te reël.

Let wel: Wees asb. altyd betyds soos met u kleuter afgespreek. Indien u laat kom, sal u kleuter vrees dat u hom vergeet het en dit laat hom/haar baie onveilig voel! Indien bogenoemde tye (punt 11), u nie pas nie word u dringend versoek om die hoof vooraf in dié verband te spreek.

AANKOMS

U, vergesel u, u kleuter tot by sy/haar klassie en oorhandig die kleuter aan klas- onderwyseres. (Sien wenke agterop om afskeid te vergemaklik).

VERTREKTYE

U kleuter moet deur ‘n volwasse persoon gehaal word. Kleuters sal nie saam met boeties of sussies kan huis toe gaan nie – en beslis ook nie met fietse, indien nie onder volwasse toesig nie. Die hek word stiptelik 12:30 oopgemaak. Moet asb. nie vroeër kom nie, dit is storietyd en die klassie word ontwrig indien u vroeër kom.